Kandu Kandu

കൊച്ചു കൊച്ചു പൂവിന്‍റെ ചില്ല വെച്ച ചിറകില്‍
കുരുന്നിളം തിങ്കളെ നീയുദിച്ചൂ
((കൊച്ചു കൊച്ചു പൂവിന്‍റെ ചില്ല വെച്ച ചിറകില്‍
കുരുന്നിളം തിങ്കളെ നീയുദിച്ചൂ))
നിന്‍റെ പറക്കാത്ത പാവയ്ക്കും
പാവാട തുമ്പിയ്ക്കും
ഉയിരിന്‍റെ ഊഞ്ഞാലയാവുന്നു ഞാന്‍
നിന്നോടു മിണ്ടാതെ ഉറങ്ങൂല ഞാന്‍

((കണ്ടു കണ്ടു കൊതി കൊണ്ടു നിന്ന കുയിലേ
കുയിലേ..കുഞ്ഞിക്കുയിലേ))

പട്ടുടുത്ത പാട്ടിന്‍റെ പൊട്ടു തൊട്ട ഞൊറിയില്‍
പകല്‍ക്കിളി പൈതലേ നീ പറക്കൂ
പട്ടുടുത്ത പാട്ടിന്‍റെ പൊട്ടു തൊട്ട ഞൊറിയില്‍
പകല്‍ക്കിളി പൈതലേ നീ പറക്കൂ
നിന്‍റെ കണ്ണാടിക്കുരുവിയ്ക്കും
കൈതോല പറവയ്ക്കും
പിരിയാത്ത കൂട്ടായി പോരുന്നൂ ഞാന്‍
നിന്നോടു മിണ്ടാതെ ഉറങ്ങൂല ഞാന്‍

((കണ്ടു കണ്ടു കൊതി കൊണ്ടു നിന്ന കുയിലേ
കുയിലേ..കുഞ്ഞിക്കുയിലേ
മഞ്ഞു പോലെ മഴ പെയ്തു നിന്നെയുണര്‍ത്താം
ഞാനുണര്‍ത്താം))